يواسيني وانا ميت ...قصيدة محزنه

يواسيني وأنا الميت

قصيدة كتبها شاب بعد مااصيب بإصابات خفيفه اثر حادث و لكن توفت والدته في ذالك الحادث

نتيجة الاصابات الخطيرة

و هذي الأبيات قالها للي يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

الله يرحم موتانا و موتا المسلمين

كلمات روعة ومؤثرة أبكتني
أما والذي لا يملك المر غيره ... ومن هو بالسر المكتم أعلم
لان كان كتمان المصائب مؤلما.......لاعلانها عندي أشد وأعظم
وبي كل ما يبكي العيون.......وان كنت دوما منها أتبسم
الله يعين كل انسان مبتلى

صح لسان شاعرها
وقصيدة تحمل الألم والأسى كله

والله يصبر شاعرها ويسكن والدته جناته
تسلمي إحساس بنوته على النقل الطيب

تقبلي تحيتي الخالص

منورين الصفحه

يا

بنت كول على طول

و

sanu

» قصيدة للاعضاء والمشرفين والمدير (ة)